Bakalavriat

Mirzo Ulug‘bek nomidagi O‘zbekiston Milliy universiteti 1918-yil 12-mayda tashkil topgan. Sharqning buyuk allomalari vatani bo‘lgan Turkistonda XIX asr oxirlaridayoq zamonaviy milliy universitet yaratish g‘oyasi mavjud edi. 1918-yil 12-mayda mashhur marifatparvar Munavvarqori Abdurashidxonov Toshkentning eski shaharida birinchi rektor sifatida so‘zga chiqib, rasmiy ravishda jahon andozalariga mos Milliy universitetning o‘z faoliyatini boshlashga tayyor ekanini e‘lon qildi. Milliy universitet quyi, o’rta va oliy ta`lim shakllarida tashkil etilgan bo‘lib, uning oliy bosqichida besh fakultet bor edi: adabiyot va falsafa, iqtisodiyot va ijtimoiyot, ziroat va ovul ho‘jaligi, tibbiyot va riyoziyot, sanoat va texnika. 1927-1931 yillar mobaynida universitet tarkibidan alohida institutlar tarzida ajralib chiqqan meditsina, qishloq xo‘jaligi, xalq xo‘jaligi instituti. Politexnika institutlari kabi o‘nlab oliy ta`lim maskanlari, Qozog‘iston, Qirg‘iziston, Tojikiston, Turkmanistonda oliy o‘quv yurtlari tashkil etilishini O‘zbekiston Milliy universiteti faoliyatining samarali natijalari sifatida baholash mumkin. Bunda ilmiy muassasalar soni 120 dan ortiq.
Hozirgi kunda universitetda 13 ta fakultet (mexanika-matematika, fizika, kimyo, biologiya-tuproqshunoslik, geologiya, geografiya, falsafa, ijtimoiy-siyosiy fanlar, horijiy filologiya, o‘zbek filologiyasi, jurnalistika, tarix, huquqshunoslik, iqtisodiyot), 95 ta kafedra, 2 ta (Oliy pedagogika va Amaliy fizika ilmiy tekshirish) institut, 2 ta akademik litsey, biznes maktab, tayyorlov fakulteti, kutubxonalar, sport kompleksi, teatr-studiya, akademik xor, Madaniyat saroyi faoliyat ko‘rsatib kelmoqda. Universitetda kompyuter tarmog‘i va internet tizimi yaxshi yo‘lga qo‘yilgan. Har yili universitet bo‘yicha 10 dan ortiq ilmiy konferensiyalar o‘tkaziladi. Yiliga 500 dan ortiq ilmiy ishlar nashr etiladi va 10 dan ortiq ilmiy izlanishlar asosida patentlar rasmiylashtiriladi. Universitet dargohida 1200 dan ortiq professor – o‘qituvchi, shu jumladan, 21 ta O’zbekiston Fanlar Akademiyasining haqiqiy a`zolari 225 ta fan doktorlari va professorlar, 575 ta ilmiy fan nomzodlari va dotsentlar, 211 katta o’qituvchi hamda 220 ta o’qituvchi va asissentlar talabalarga ilm-fan sirlarini o’rgatishmoqda. Hamda 10 mingdan ortiq talaba, magistr, aspirantlar o‘qimoqda.
Hozirgi kunda AQSH, Angliya, Fransiya, Germaniya, Rossiya, Yaponiya, Koreya, Gollandiya kabi rivojlangan mamlakatlarning 20 ga yaqin universitetlar bilan hamkorlik aloqalari o’rnatilgan.

O’zMUda ta’lim jarayoni yo’lga qo’yilgan yo’nalish va  mutaxassisliklar ro’yhati